&&&ذبحني غرامي&&&](اسمحي لي يا الغرام )

30/07/2011

(اسمحي لي يا الغرام )

اسمحيلي يالغـرام العف يالوجـه السموح

ان لزمت الصمـت او حتى لبست الاقنعـه

اعترف لك ما بقى من عالي الهمـه سفوح

انحـدر كلي كمـا طفلـن تحـدر مدمعـه

آه ياجور الحزن وياي وفي الفرحه شحوح

ضايعـن بهمـومي الغبرا بوسط المعمعه

اشتكي لوسادتي دنيـاي واسمعها تنـوح

كنها بعضي و بعضي ويـن هو منهو معه

مختلط في عبرتي حبر الشقا ودم الجروح

ومستوي في نظرتي غرب الوجود ومطلعه

عودي المبري بقابه من بقايا الوقت روح

وفصل خامس حايرن بين الفصول الاربعه

راس مالي ذكريات وحلم وآمـال وطموح

لا صديـق ولا رفيـق ولا طريقـن اتبعه

سامحيني دام عذري واضحن كل الوضوح

واسمحيـلي بالرحيـل بلا تذاكر وامتعـه

غرام الحب

تفنن في طروق الحب شرقني وغربني

معك يازين دوخات الهوى وياحلو مشواره

وغرد في سما سمعي أبي تحكي وتطربني

سواليفك مطر عمري ربيعي ضحكه أزهاره

حبيبي يابعد كلي وكلك صدق تعجبني

بغيباتك وصداتك وتلويعك وتكراره

تجنن كل مااشوفك احس انك تعذبني

وتضيعني من الدنيا تشب بخافقي ناره

جمالك ناهب قلبي وتفكيري وناهبني

ودلالك يارقيق العود عود تعزف اوتاره

كتبتك نبض في شعري دخيل الله تكتبني

حبيب في مواعيد الغرام ارضاه بزياره

تولعت بتصانيفك وتعذيبك يولعني

وعلى ايه حال راضيبك شمس العمر وانواره

24/11/2011

عزيزي فهد
آلسحر يكمن بين ..حروفك
والاحسـآس يعلووو..سطوورك
ومشـآعر تهمس بكل..صدق
دمت بتـــآآآلق
ودآآآم قلمك ينبض ويترف حبـــآآ وشوقــآآ
تحيـــآآتي لكى ولقلمك وآبدآآآعك الذي لآيتوقف
دمت بود